الخنفساء المخططة من التراث العراقي القديم

الخنفساء المخططة من التراث العراقي القديم
تحكى للشخص الغير قنوع 

[ندعوك للتسجيل في المنتدى أو التعريف بنفسك لمعاينة هذه الصورة]
كان يا مكان يا سادة يا كرام و لا يحلو الكلام الا بذكر الرسول عليه أفضل الصلاة و السلام. كان أكو فد خنفسانة مخططانة محمرانة كاعدة ابباب الحويشانة، لابسة حجل و تريد من ربهه رجل. فات من يمهه بقال الطرف كاللهه: خنفسانة مخططانة محمرانة كاعدة ابباب الحويشانة، لابسة حجل و تريد من ربهه رجل، تتزوجيني؟ كالتله: اذا تزوجتك و زعلت علي بيش تضربني؟ كاللهه: أضربج بعصاتي. كالتله: روح روح أنا كشر البصل ما أحمله. فد شوية و مر من يمهه عطار الطرف و كاللهه: خنفسانة مخططانة محمرانة كاعدة ابباب الحويشانة، لابسة حجل و تريد من ربهه رجل، تتزوجيني؟ كالتله: اذا تزوجتك و زعلت علي بيش تضربني؟ كاللهه: أضربج بحزامي. كالتله: روح روح أنا كشر البصل ما أحمله. فد شوية و مر من يمهه شيخ العرب و كاللهه: خنفسانة مخططانة محمرانة كاعدة ابباب الحويشانة، لابسة حجل و تريد من ربهه رجل، تتزوجيني؟ كالتله: اذا تزوجتك و زعلت علي بيش تضربني؟ كاللهه: أضربج بعكالي. كالتله: روح روح أنا كشر البصل ما أحمله. فد شوية و مر من يمهه الفار و كاللهه: خنفسانة مخططانة محمرانة كاعدة ابباب الحويشانة، لابسة حجل و تريد من ربهه رجل، تتزوجيني؟ كالتله: اذا تزوجتك و زعلت علي بيش تضربني؟ كاللهه: أضربج بذيلي. كالتله: زين و تزوجوا و مرت الأيام و فد يوم راح الفار ديتسوك للبيت عند البقال و جان يوكع بجدر الدبس و يموت، فلمن وصل الخبر للخنفسانه كامت تلطم و تبجي و تكول: خليت بقاله و خليت عطاره و خليت شيخ العرب و اخذيت لي  فارة. و لو جان بيتنه كريب جان جبتلكم طبك حمص و طبك زبيب.

الف رحمة على رووحج يابيبي

جانت تجمعنا كلنا وتحجيها النا وننهيها للقصة بهوسة جماعية

ويص ويص يابابا ذبوك ع الخرابة تبجي عليك البومة والكرابة

هااي يعني اطفال الخنفسانة ديغنون ههههه

الف شكر الج

هههه انتظروني قريبا

انزللكم شي ماسامعي من زمان

شكرا ع القصة